ဝေါလ်မတ် အင့် သည် အမေရိကန်ပိုင် နိုင်ငံတကာ လက်လီရောင်းချရေး ကော်ပိုရေးရှင်း တစ်ခု ဖြစ်ပြီး ဟိုက်ပါမတ်ကက်များ၊ လျှော့ဈေး ဒီပတ်မန့် စတိုးများ နှင့် ကုန်စုံဆိုင်များကို ဆိုင်ခွဲပေါင်းများစွာဖြင့် လည်ပတ်လုပ်ကိုင်နေသော လုပ်ငန်းတစ်ခု ဖြစ်သည်။ ရုံးချုပ်မှာ အာကင်ဆောပြည်နယ်၊ ဘန်တွန်ဗီးလ်တွင်ရှိပြီး ထိုကုမ္ပဏီအား ဆမ်ဝေါလ်တန်မှ ၁၉၆၂ ခုနှစ်တွင် စတင်တည်ထောင်ခဲ့ကာ ၁၉၆၉ ခုနှစ် အောက်တိုဘာ ၃၁ ခုနှစ်တွင် ကုမ္ပဏီ အဖြစ် ဖွဲ့စည်းခဲ့သည်။ ၎င်းသည် ဆမ်ကလပ် လက်လီ ကုန်လှောင်ရုံများကိုလည်း လည်ပတ်လုပ်ကိုင်နေသည်။ ၂၀၁၈ ခုနှစ် ဇန်နဝါရီ ၃၁ တွင် ဝေါလ်မတ်တွင် စတိုးဆိုင်နှင့် ကလပ်ပေါင်း ၁၁, ၇၁၈ ခု ရှိပြီး နိုင်ငံပေါင်း ၂၈ ခုတွင် နာမည် ၅၉ ခုဖြင့် လုပ်ကိုင်လည်ပတ်လျက် ရှိသည်။ ကုမ္ပဏီသည် အမေရိကန်နှင့် ကနေဒါတွင် ဝေါလ်မတ် အမည်ဖြင့်လည်းကောင်း၊ မက္ကဆီကိုနိုင်ငံနှင့် အလယ်အမေရိက တွင် ဝေါလ်မတ် ဒီ မက္ကဆီကို စန်ထရို အမေရိကား အဖြစ် လည်းကောင်း၊ ယူနိုက်တက် ကင်းဒမ်းတွင် အက်စ်ဒါ အမည်ဖြင့်လည်းကောင်း၊ ဂျပန်တွင် ဆေးယု ဂရု အမည်ဖြင့်လည်းကောင်း အိန္ဒိယနိုင်ငံတွင် ဘက်စ်ပရိုက်စ် အမည်ဖြင့်လည်းကောင်း လုပ်ကိုင်လည်ပတ်နေသည်။ ထို့ပြင် အာဂျင်တီးနား၊ ချီလီ၊ ဘရာဇီး နှင့် ကနေဒါနိုင်ငံတို့တွင်လည်း အပြည့်အဝ ပိုင်ဆိုင်သော လုပ်ငန်းများ ရှိသည်။ Wikipedia